English 
Málefni:

aftaka

Bravó! Aftaka á ammæli í dag og er orðin fullvaxta tveggja ára skrímsli með beittar tennur og óklipptar, skítugar táneglur. Í tilefni tryllidagsins höfum við tekið saman lista yfir mest skoðaða efni síðunnar frá upphafi. Seinna í dag, þegar rifinn gjafapappír þekur gólfið og nammiklístur læsir lyklaborðinu, mun ammælisbarnið drulla út úr sér öðrum lista: uppáhaldsefni Aftöku sjálfrar. Þangað til getið þið kætt ykkur eða grætt með upprifjun á vinsældarhátindum barnsins óblíða. Gjöriðisvovel:

31. Blóði drifinn Nató-mógull óttast andspyrnuna
Í nóvember 2008, stuttu eftir að fólk réðst gegn lögruglustöðinni til að frelsa Bónusflaggarann henti einlægur aðdáandi „íslenska hersins“ heimagerðu myndbandi inn á YouTube, um óttann sem stafaði af anarkistum á Íslandi. Á endanum var hann enginn mógúll heldur skíthræddur væskill og er nú búinn að fjarlægja myndbandið.

30. Anarchists Squat in the Center of Reykjavík
Aftaka setti upp litla enskumælandi klón af sjálfri sér þegar hæst heyrðist í pottum og pönnum, og of fáar gangstéttarhellur flugu um loftin. Margar af þeim fáu greinum sem birtust hér á ensku náðu ansi langt út fyrir landsteinana, voru oft á tíðum þýddar á fjölda tungumála og flugu á milli anarkistavefsíðna. Hústakan á Vatnsstíg var þar á meðal.

29. Frásögn frá Hótel Borg
Frábær endir á ömurlegum sjónvarpsþætti og uppörvandi ári. Sigmundur Ernir sagði að skorið hefði verið á lýðræðislega umræðu en fyrir okkur var bara löngu kominn tími á að skera tímabundið á pakksbarkann.

28. Actions continue in Iceland
Já, aksjónir héldu áfram á Íslandi og úgglendingar fylgdust áfram með.

27. Nei þýðir ha, nauðgun er þjóðarsátt!
Ein af fáum færslum Vinsældalistans sem fjallar ekki um mótmæla- eða líkamlegs andófs-tengt efni og sú eina sem snýr að málefnum kynjanna. Nauðganir eru samþykktur partur af prógramminu þegar kemur að íslenskum útihátíðum – og þegar betur er að gáð, hegðun sem er afskaplega lýsandi fyrir allt annað í mannlegu samfélagi. P.s. Aftaka hafði ekki tíma til að fjalla um nýlegri bílveltu Árna Johnsen en fagnar því stíft nú á ammælisdaginn að Lundaníðingurinn hafi fengið að fara í nokkra kollhnísa í grænni lautu.

26. Löggan er líka óvinur!
Skyldulesning í grunnskólum! En einhverjir… *hóst* Appelsínugula hreyfinging *hóst*… virðast ekki hafa lesið heima.

25. hæ hó og jibbí jeijj það er kominn fyrsti maí
Barnaníðsdagatal Glitnis var ein af fyrstu hnappagatsrósum Aftöku og vöktu upp nauðsynlega umræðu um hlutverk barna í ímyndarsköpun fyrirtækja og um auglýsingar almennt. Síðar kom í ljós að barnaníðið var ekki eingöngu myndlíking því meðal stuðandi fréttum af viðbjóði íslensku bankana voru fréttirnar af barnalánum Glitnis. Hægt er að skoða öll barnaníðin með því að gramsa hér.

24. Má bjóða þér pipar eða gas? – Undirbúnings- og viðbragðsleiðbeiningar
Eiturefnaárásir ruglunnar virtust koma sjokkeruðum Samfylkingarmærðum og öðrum miðstéttarfuglum í opna skjöldu. Fáir vissu hvernig ætti að bregðast við eða komast hjá afleiðingum eitursins og því skelltum við upp gagnvirkri upplýsingasíðu sem virðist hafa sinnt hlutverki ágætlega.

23. Hvítliðasveitin
Kannski hefði gamanið bara aukist ef hótanir um endurkomu hvítliðanna hefðu orðið að veruleika. En við vitum enn hverjir sumir þeirra eru…

22. Loksins, loksins! – Rúður Lögreglustöðvarinnar brotnar
Við stöndum ennþá við þetta: Loksins, loksins var ráðist á gasstöðina við Hlemm! Birni okkar Bjarna varð ansi brugðið og einverjir sjokk firringarbókahópar ýttu undir lestur greinarinnar. Í dag er vert að segja: Meira, meira svona!

21. HÚSTAKA Á VATNSTÍG Í VANDA!!!
Með nokkra klukkustunda fyrirvara var kallað eftir samstöðufundi við tökuhúsið á Vatnsstíg. Hundruðir mannskepna svöruðu kallinu og stóðu vaktina þangað til undir morgun. Og það var heldur fyrr en þá, eftir að þau síðustu fóru í háttinn, að bullusveitin mætti, útþanin af orkudrykkjum og skemmdarfíkn, og lögðu húsið í rúst.

20. Samstöðumótmæli vegna hústökunnar
Eftir að ruglan hafði brotið allt og bramlað, lamið fólk og fangelsað, safnaðist fólk enn saman – í þetta sinn við gasstöðina. Í kringum þessa hústöku mynaðist frekar einstök samstaða af róttæku meiði, eitthvað sem mætti stækka og dafna enn frekar.

19. The Squat Evicted – Three Hours of Resistance Against the Special Force
Sjálfsvörnin – og sirkusatriði sérsveitarinnar – vöktu athygli þó engir væru mólótov-kotkeilarnir í þessu boði.

18. Pólitísk hústaka í Reykjavík!
Yfirlýsing hústökunnar á Vatnsstíg.

17. The Icelandic Government has Collapsed… and then what?
Eftir unggæðingslegar yfirlýsingar margra mótmælenda um sigur í kjölfar falls ríkisstjórnarinnar sendu anarkistar frá sér greiningu á ástandinu og hvatningu til frekara andófs. Eins og margt annað efni anarkista hér á landi, fór þessi yfirlýsing víða.

16. Við erum terroristarnir Mr. Brown, don´t forget that!
InDefence afhjúpuðu rasisma sinn í sínu fyrsta skrefi, þegar „Við erum hvít og sæt“-herferðin þeirra fór í gang. Sagan segir að InDefence sé enn að og ekki batnar það…

15. í kína drepa þeir líka menn
Mannskepna nokkur gaf tröppum kínverska sendiráðsins sinn rétta lit og hlaut sérstaklega mikinn stuðning fyrir vikið, miðað við að atburðurinn átti sér stað „fyrir kreppu“ – áður en það varð hipp og kúl að sletta málningu. Er Jan kannski Skap-Ofsi?

14. Ýmsar upplýsingar tengdar aktívisma
Fullt af góðum upplýsingum um fyrstu skref uppreisnar og andófs – og mjög góðar upplýsingar um hvernig komast skal hjá því að yfirvöld komist á sporið. Við mælum sérstaklega með því að fólk taki næsta skrefið og þó fólk læri best af því að framkæma, er til fullt af nytsamlegum upplýsingum í bókum og á neti.

13. Ríkisstjórnin er ódýrt svín!
Þetta þekkja allir.

12. Dr. Gunni: Hvorki mæjones né í krossinum – en einhverstaðar þar á milli
Dr. Gunni sagðist vera alveg sama um þetta og benti lesendum sínum á greinina. Öskra! hafði fyrr um haustið ráðist gegn markaðsvæðingu Doktorsins á sjálfum sér en sjaldan áður hafði heyrst gagnrýni á neytendaprumpið sem hann raunverulega er. Það fór illa í marga.

11. Er þeim alvara?
Það bara varð einhver að bjarga orðspori anarkista og leiðrétta þennan hræðilega orðróm um að forræðishyggjukrati hefði haft eitthvað að segja um þann litla millitans sem spratt upp veturinn 2008-2009. Við óskuðum þess heitast að komast í kjölfarið í Smáfugla AMX en náðum ekki lengra en á Eyjuna, sem misskildi þetta allt saman, las eflaust ekki greinina og birti link á hana undir titilinum: Aktívistar til varnar Álfheiði.

10. Food Not Bombs
Uppáhaldsveitingastaður Aftöku.

9. ÚTVARP AFTAKA!
…af einhverjum ástæðum.

8. Hústakan – baráttan að innan
Ruglan reyndi að eyða myndum sem teknar voru inni á Vatnsstíg á meðan þessi fyrsta „Björgun heimilunum“ nýmyndaðrar ríkisstjórnarinnar fór fram. En ruglan kann víst ekkert voða vel á tæknina og ljósmyndarinn/hústakarinn endurheimti myndirnar… svona rétt til þess að gera þetta aðeins neyðarlegra fyrir sérsveitarbullurnar.

7. Varúð! Óeinkennisklæddir þrælar með myndavélar
Þessi grein átti eftir að valda meiri deilum en við bjuggumst nokkurn tíma við. Í fyrsta sinn þennan veturinn var af einhverju ráði fjallað um njósnir og skrásetningu ruglunnar á pólitísku andófi og fór það afar illa í sætisvermaranna við Hlemm. Í kjölfarið fjallaði DV meðal annara um málið og umræðan um njósnir ruglunnar lifðu það sem var andófs. Við á Aftöku gerðum krítíska málamiðlun, hvers réttmæti má svo sannarlega deila um. Seinna birtum við þó aftur mynd af umræddri ruglu og finna má vísbendingar um hana hér.

6. Óháðir og Pólitískir miðlar
Allt í einu voru til fullt af miðlum sem tóku ekki þátt í lyginni um hlutleysi fjölmiðla og tóku margir hverjir mjög harða afstöðu gagnvart yfirvaldi og kapítali. Sumir lifðu veturinn af – aðrir ekki – en síðan doðinn skall á hefur samt sem áður bæst í hópinn. Og orðrómur er í gangi um að nýr prentaður, róttækur og pólitískur miðill sé á leiðinni á göturnar.

5. Agent Finger Licker investigates Dominos
Flestir sem hafa lesið hafa að öllum líkindum lent inn á henni óvart. Á hverjum degi kemur ótrúlegur fjöldi fólks inn á Aftöku eftir að hafa leitað að orðinu Dominos á netinu. En greinin var hvort sem er góð.

4. Áramótaannáll 2009
Enn eitt blómið í hnappagat Aftöku og ein af þeim greinum sem vöktu athygli kapítalískra fjölmiðla á Íslandi. Það er óþarfi að lýsa honum of mikið – lesið hann bara ef þið eruð ekki búin að því.

3. SKÍTUM Á KOSNINGAR!!!
Já, bókstaflega!

2. Direct Action in Iceland
Fyrsta greinin sem sagði frá því á ensku um hlut anarkista í andófi síðasta vetrar. Þessi grein var þýdd á tugi tungumála og á hverjum degi fengum við bréf frá fólki sem sagðist hafa lesið hana, verið hrifið, dreift henni, þýtt og hvatti anarkista til að halda andófinu áfram. Okkur var það virkilega kært og vonandi hafa aðrir anarkistar sömu sögu að segja.

1. Önnur tilraun…
Eftir að myndband kjörklefakúkarans hafði hlotið athygli Vísir.is, sem benti lesendum sínum á færsluna „Skítum á kosningar“ var myndbandið fjarlægt af ritskoðunarfasistunum á YouTube. Við fórum þá aðrar leiðir, sjokkeruðum meira að segja bresku Indymediu, sem leyfði á endanum myndbandinu að vera þó fréttin sjálf hafi verið falin. Aldrei áður og aldrei aftur hafa eins margir lesið Aftöku á einum degi, 33 þúsund manns þann 27. Apríl, daginn eftir kosningar. Kjörklefakúkurinn náði inn á nokkra árslista annara miðla, m.a. vermdi hann kærkomið 18. sæti atburðalista Mónitors 2009 – en hér fær hann sæti við hæfi: 1. sætið! Sú staðreynd segir eflaust meira um íslensku óþjóðina en um eiganda afturendans?

4 Litlir Negrastrákar:
  1. lalli segir, þann :

    Þetta er merkileg rýni í áhugasvið þjóðarinnar. Fyrsta og þriðja sæti !?!

  2. Rassspark segir, þann :

    Það má með sanni segja að þessi verðlaunarass hafi skitið okkur öllum til þægðar.

    Lifi Kjörklefakúkarinn!

  3. nágríma segir, þann :

    Til hamingju með afmælið elsku besta aftaka og þakka þér aftur fyrir öll klórin, bitin og skítinn sem þú deilir út til umheimsins, og áhugaverða afhjúpun á saurhneigð eyjarskeggja.

    Með von um langt og gott líf
    Þín Nágríma

  4. Árni segir, þann :

    Ekki til hamingju með afmælið :)

Aftaka er knúin af WordPress.
RSS: Færslur/Viðbrögð
Log in