English 
Málefni:

Fyrr í dag birtum við tölfræðilega séð vinsælasta efni Aftöku síðustu tvö árin. Það var að mestu leyti tengt mótmælum og líkamlegu andófi og gaf þar af leiðandi fremur takmarkaða sýn á umfjöllunarefni okkar þessi tvö ár. Því settum við saman annan lista – okkar uppáhalds efni frá upphafi Aftöku.

geiri1

Dagatalið Barnaníð Glitnis kom út í byrjun hvers mánaðar ársins 2008 og sagði sannleikann um misnotkun á börnum í auglýsingagerð. Sumum fannst við – ekki síður en Glitnir, auglýsingastofan og foreldrarnir – vera vond við börnin en stundum þarf bara að ganga „of langt“ til að afhjúpa sannleikann. Fyrsta dagatalið er hér og restina má finna með því að grúska hér.

Hönnunarsamsteypan og góðkapítalistaveldið Saltfélagið fékk aldrei frið fyrir afkastamiklum skemmdarvörgum. Stórt auglýsingaskilti þeirra var markvisst böstað með þessum hætti og á endanum fór Saltfélagið á hausinn. Graffití fékk svo ágætis pláss á Aftöku eftir að stuðspillirinn J.F.M. var fenginn til að gera Reykjavíkurborg grárri en nokkurn tíman áður. DV minntist á að aðeins á einum vettvangi væri starf J.F.M. kallað sínu réttanafni: Hreinlætisfasismi.

Og fyrst við nefnum fasisma á nafn getum við ómögulega komist hjá því að sleppa þessu.

brenna3

Á meðan eldar brunnu í Kaupmannahöfn í byrjun árs 2008 var kveikt í nokkrum innkaupakerrum hér á landi til stuðnings. Eftir síð-áfallsathugasemdir lesenda um að við værum að lýsa yfir stuðningi með „öfgamúslimum sem brenndu niður barna- og leikskóla“ útskýrðum við mál okkar hér. Við lýstum líka yfir samstöðu með trukkabílstjóra mótmælum vorsins 2008 og hvöttum þá hér til að líta fyrst og fremst á baráttu sína sem stéttabaráttu en ekki kjarabaráttu innan kerfisins. Og við sýndum verkfalli ljósmæðra vissan skilning, því greyin þurfa að taka á móti mestu gallagripum landsins eins og lesa má um r.

Grænkapítalistar og sprotafyrirtæki voru tíðir gestir á síðum Aftöku, m.a. hér þegar sprotafyrirtækið Allt er falt seldi lúxusskít fyrir utan Landbankann í Austurstræti. Stuttu seinna mætti konungur grænkapítalistanna, Mister Al Gore, til landsins og ferðaðist á milli jarðhitavirkjana í fylgd forsetans en gaf sér stutta stund til að ræða við almúgann í Háskólabíói, þar sem útsendari Aftöku mætti á svæðið og spurði: „Umhverfis hvað?“ Ári seinna kom enn einn loftslagselítistinn til landsins, Dr. Pachauri, sem fetaði sama veg og Al Gore í ófríðu föruneyti popúlistans á Bessastöðum. Í Háskólanum fróuðu þeir kumpánar sér ásamt viðstöddum.

Fleiri sjálfumglaðir, sjálfskipaðir bjargvættir mættu á skerið, m.a. Bush-knúsandi munkurinn frægi (ekki sá sem seldi sportbílinn sinn heldur hinn). Og Aftaka fylltist mannhatri… allavega um stund.

„Pólitískt og róttæk“ tíska fékk það óþvegið hér. Che Gue-merkja-vara sagði einhver. Aftaka stóð hins vegar sjálf fyrir dónóbolasamkeppni og má sjá nokkrar tillögur að dónóbolum hér.

Valdníðsla í verki var nokkra hluta sería um vel valda valdníðinga á borð við Friðrik Sophusson, Árna Johnsen og Björn okkar Bjarnason. Fyrsti hlutinn er hér og hina má finna með því að leita bara að valdníðslu.

sadam

Löggan er víst bara að vinna vinnuna sína og með þeim „rökum“ heldur embættið falskri ópólitískri stöðu sinni. Við höfum því reglulega bent á hið gagnstæða, fyrst með þessari grein: „Ég er bara bra bra að vinna minnuna mína.“ En ekki síður en við kepptist ruglan við að koma hugmyndum sínum út í samfélagið, herjaði á félagsmiðstöðvar unglinga í Kópavogi og varaði krakkana við hættulegu anarkistunum sem borga ekki skatta og hvetja litla krakka til að grýtta lögguna. Fjölmiðlar þögðu sem fyrr en ekki Aftaka.

Það þurfti svo reglulega að minna á sannleikann um rugluna, sérstaklega eftir því sem andóf vetursins 2008 – 2009 óx og dafnaði. „Lögreglan er og verður alltaf fyrirstaða“ er grein sem var skrifuð í kjölfar borgarafunds um mótmæla þar sem rugluforningjum í pallborði var gefið allt of mikið vægi. Á sama borgarafundi steig grímuklæddur anarkisti í pontu og þrumaði hörkuræðu gegn siðmenningunni yfir fundargesti, við mikinn fögnuð.

Hleranir ríkisins á símum og heimilum andófsfólks á Íslandi á tímum kalda stríðsins voru afhjúpaðar í vorið 2008 og kröfðust margir þess að ríkisstjórnin bæðist formlega afsökunar á þeim. Það var þó engin til að biðjast afsökunar; ríkisstjórnin hlerar ennþá og mun alltaf gera svo. Afsökunarbeiðni væri alltaf lygi og fölsk ímyndasköpun. Við sögðum því: Engar afsökunarbeiðnir!

Það eru heldur engar afsakanir teknar gyldar fyrir ofsóknum lögguruglunnar gegn unglingum og almennt gegn fólki sem fílar að komast í annað ástand án hins löglega vímugjafa kristninnar, áfengis.

Björk inc. og fleiri stórfyrirtæki héldur grænkapítalista tónleika í Laugardalnum í júní 2008. Kröfur tónleikahaldaranna voru að allir landsmenn fengju fjöltóna himbrima hringingu í símann sinn og hugmyndafræðin var einföld: Náttúra Íslands er eins og Hollywood er fyrir Los Angeles. Björk og félagar fengu því að heyra það: Fúlir náttúruverndarskæruliðar í Hollywood. Og Aftaka fjölmennti auðvitað á giggið og hafði þetta um herlegheitin að segja: Náttúra, náttúra, náttúra!

glitnir8-juli

Málflutningur grænkapítalistanna rímar óhugnarlega vel við skýrslu sem forsætisráðuneytið lét gera fyrir sig og var birt í byrjun árs 2008. Megin innihald skýrslunnar er að engu skipti hvort ímynd lands og þjóðar byggist á staðreyndum, getgátum eða ranghugmyndum, því góða ímynd má alltaf nota til markaðssetningar – burtséð frá sannleika hennar. Hér er ein af nokkrum umfjöllunum okkar af skýrslunni.

En sem betur fer hugsa ekki allir listamenn um það eitt að flagga þjóðarstolti og firrtri ímynd framan í heiminn heldur vilja sparka í rass. Við bentum á nokkra slíka, m.a. þessa, sem böggaði bankana fyrir kreppu. Eftir kreppu þóttist Bubbi orðinn önugur út í bankana á ný, þorskarnir tóku að streyma í blóðfljótum uppgjafarpönkarans. Steinn Steinarr spáði fyrir um Bubba og hans líka: Í draumi sérhvers manns er fall hans falið.

Og Dorritin litla dansandi, glitraði í gegnum árin okkar tvö, glitraði í öllum afþreyingarglanssneplum landins. Dorritin fær því stærra pláss hér en gubbugrísinn hennar velgreiddi.

Ímyndarherferðir Íslands hafa tekið á sig misljótar og ógeðslega myndir. Sú versta er eflaust blygðunarlaus rasismi InDefence hópsins sem byggði herferð sína á hugmyndinni um að hryðjuverkamenn geti ekki verið íslenskar millistéttarblondínur heldur séu alltaf arabar með sprengju í túrbaninum. Sannleikur málflutnings er hér. Seinna flaug InDefence til Lundúna með Sigur Rós í fararteskinu og hélt þar einstaklega yfirvegaða athöfn – athugið: ekki mótmæli – í virðulegum jakkafötum og með fjallkonuna fremsta í skuti. Það vantaði bara handboltalandsliðið.

terror2

Aftaka sagði allri þjóðernisrembu stríð á hendur en eftir því sem hefur liðið á kreppu hafa þjóðremburaddirnar sífellt hækkað og ná nú hæstu hæðum í handboltahysteríu óþjóðarinnar. Hér er smá niðurrif á þjóðrembunni.

17juni

Íslenski fáninn var ekki einungis brenndur heldur ýmsar vel valdar tuskur kapítalsins, til að mynda bankanna. Hér eru flottar myndir sem náðu í erlenda fjölmiðla, ellilífeyrisþeganum Birni okkar Bjarnasyni til mikillar mæðu.

Og talandi um Björn okkar, þá leist honum síður en svo á jólaboðskap Aftöku árið 2008 og mældi sérstaklega með honum fyrir þá lesendur sinnar síðu sem hefðu engan áhuga á að komast í jólaskap. Þetta var okkur einstakur heiður. Við endurtókum svo leikinn ári seinna – enn haturfyllri út í sykurslímshátíðina – en í þetta skiptið hafði Björn lært að þegja… enda sjálfur eflaust kominn með Alzheimer.

Hellingur af jólagjörningum áttu sér stað um og eftir jólin 2008. Jóladagatal og aðventukrans Aftöku vöktu umtalsverða athygli, jólasveinar gáfu ráðhórum kartöflur, KókaKóla lestin fékk óvænta heimsókn og börnin á Lækjartorgi voru seld.

23des

Þann 1. nóvember var blásið til mótmælagöngu frá Hlemmi í átt að mótmælafundi á Austurvelli. Þessum texta – Andspyrna nr. 1 – var dreift til göngugesta. Það þurfti enga spámenn… Enda var Alþjóða gjaldeyrissjóðurinn kominn hálfur inn um dyrnar áður en honum hafði svo mikið sem verið heilsað.

Eins og alls annars staðar í heiminum einkenndist andófið sem kennt er við búsáhöld af togstreitu á milli passífista og þeirra sem viðurkenna réttmæti ofbeldisfulls andófs. Appelsínugula hreyfingin spratt upp og bað um ball en ekki byltingu og hélt svo samstöðufund með löggunni, þar sem hræsni ársins 2009 leit dagsins ljós. Hinir appelsínugulu voru líka flestir á móti svörtum lit og þoldu ekki grímur. Hér útskýrðum við eina ástæðu þess að andófsfólk hylur andlit sitt.

Andófsaðferðir hafa alltaf verið til umræðu hér á síðunni og sl. haust birtist þessi ágæta langloka um aðferðir, þar sem bókstafstrúarfriðsemdinni var enn og einu sinni gefinn fingurinn. Og svipað var uppi á teningnum hér þar sem hugtakið öfgar var skoðað í þaula. Það gerðist í kjölfar umræðna um andspyrnuna gegn COP15 fundi Sameinuðu Þjóðanna sem átti sér stað í Kaupmannahöfn sl. desember. Við fjölluðum líttillega um þá andspyrnu og vorum langhrifnust af þessari litlu frásögn. Réttmæti ofbeldis rökstuddum við margoft, til að mynda hér í tengslum við andóf kúgaðra frumbyggja þriðja heimsins gegn nýlendukapítalisma.

shittitoilet

Stéttskipting mótmælenda var augljós og ætluðu sjálfskipaðir byltingarforingjar sér að hanna söguna eftir eigin sniði og stjórna því hverjir mega andæfa og hverjir ekki. Þeir tóku uppnefni stjórnvalda á mótmælendum afskaplega nærri sér og tóku því síendurtekið fram að þeir væru sko engin skríll. Aftaka sagði: Víst erum við skríll. Frekari gagnrýni á stéttskiptingu andófsins má svo lesa hér.

Nauðungargifting kosningar átti sér stað í kjölfar ostaskera uppreisnarinnar. Sumir kúkuðu í kjörklefa á meðan aðrir afbyggðu réttmæti kosninga með orðum á pappír í stað kúks. Fyrir kosningarnar fengu þrír af stóriðjuflokkunum fjórum að smakka grænt skyr, sem Saving Iceland og Aftaka fögnuðu ákaft. Við mælum sérstaklega með þessari.

Oft á tíðum virtist hugmyndin um tengsl anarkista við Vinstri Græna vera allsráðandi. Við drógum skýrar línur í okkar afstöðu gegn Vinstristjórninni og VG og útskýrðum okkar sjónarhól á búsáhaldaglamrið hér á eins árs afmæli bankahrunsins.

Eitt af kosningaloforðum flestra flokka var svokölluð „björgun heimilana“ sem hófst þegar sérsveitarbullurnar brutu hús á Vatnsstíg í spað og lömdu og fangelsuðu íbúa þess. Góð byrjun á góðum tímum. Orð eru oft misnotuð og hér er fjallað um orðið glæpur, í tengslum við orðræðu fjölmiðla þegar kemur að málefnum flóttamanna.

30. mars 2009 minntust andstæðingar Nató þess þegar Ísland gekk í bandalagið og hvítliðar og lögregla lúskruðu á andstæðingum þess. Samtök Hernaðarandstæðinga vilja fyrst og fremst að Ísland gangi úr Nató, því þar á bæ er þjóðremban ekki síður ríkjandi en annars staðar. Hér er anarkísk sýn á veru Íslands í Nató sem dreift var á fundinum þann 30. mars. Stuttu seinna fóru nokkur unglömb úr Vinstri Grænum til Strasbourg að biðja Nató um að leysa sig upp. Þau sögðu anarkista hafa eyðilagt andófið sem fékk okkur til að spyrja: Skemmir raunveruleg ögrun andófið? og vitna í Ulrike Meinhof, góðborgurum nokkrum til skelfingar. Svipaða gagnrýni má svo finna í þessari ábendingu til Íslandsdeildar Amensty þar sem hún er hvött til að veita andstæðingum sínum ekki amnesty.

Sem betur fer rökræða anarkistar málin sín á milli – oftast augliti til auglitis en stundum á opinberum vettvangi. Þegar Anarchism.is (sem nú er ekki til) sagði okkur og okkar líka anarkista, vera ekkert nema lífsstílsaktívista svöruðum við fullum hálsi líkt og við gerðum nú fyrir nokkrum dögum. Og hér er svo ansi ítarlegt svar við spurningum um hugmyndir okkar um anarkisma.

konann

Anarkistar á Íslandi koma víða við, þessi fyrirlestur var haldinn á alþjóðlegum baráttudegi kvenna fyrir friði vorið 2009. Þar er siðmenning mannsins harðlega gagnrýnd sem undirstaða alls valdabrölts.

— — —

Þetta er þó aðeins lítill bútur af ölllllllllllllu því efni sem birtist hér á síðunni. Gramsið og þér munið finna…

3 Litlir Negrastrákar:
  1. marmar segir, þann :

    Hrópandi húrra og blautur koss beint á ennið. Margt af þessu er svo yfirdrifið stórkostlegt.

  2. siggi pönk segir, þann :

    “Berja, gelda, bíta, slá
    blinda, klóra, flengja
    Brenna, reka útlegð á
    Aflífa og hengja.”

    Eins og áður – þessi skrif mega ekki hverfa og verða það gat í sögunni sem digital menningin er – kemur ekki út “Helstu aftökur” í bókarformi þannig að eftirlifendur komandi hruns geti séð að til var fólk sem reif kjaft á þessum síðustu tímum?

  3. aftaka segir, þann :

    @ siggi: Við ætlum ekki að láta aftökutextanna hverfa í diggital svarthol. Það kemur eflaust eitthvað út þegar við, eða einhverjir aðrir) ákveðum að taka okkur til og safna þessum kynstrum öllum saman.

Aftaka er knúin af WordPress.
RSS: Færslur/Viðbrögð
Log in